വഴിയോര കാഴ്ചകൾ
കള കള മൃദു രവ ലയ തര നാദം
മധു സമ സുഖകരമനുപദ താളം
സ്വർഗ്ഗ നിസ്സർഗ്ഗ തരംഗിത മേളം
സ്വരങ്ങളേ .... നാദ ലയങ്ങളേ
മണ്ണിനെ വിണ്ണാക്കും വിണ്മയനിർമ്മിത
സുഭഗ സൗഭാഗ്യങ്ങൾ നിങ്ങളല്ലോ .
കണ്ണു തുറക്കൂ കാതു കൊടുക്കു
മനുഷ്യാ തെല്ലൊന്ന് വിശ്രമിക്കു(2)
നിര നിര മടു മലർ ലസിത വിലസിത
ചഞ്ചല ലതികകൾ നർത്തന നിരതിത
മഞ്ജു മനോഹര മഞ്ജിമ തഞ്ചും
വാടികളേ .. പുഷ്പ വനികകളേ
സുരവര മോഹിത ശബളിത സുന്ദര
ശാരദ നീരദ ചുംബിത ലാളിത
കാല്യ കലാമയ കമനീയാസിത
ശശികലേ .... ഇന്ദ്ര ചാപങ്ങളേ
(മണ്ണിനെ വിണ്ണാക്കും.......)
അല കടലലലയാൽ സ്പർശ തരംഗിത
ചെറു കുളിരിയലും അനിലാശ്ലേഷിത
ദിനകര ദീപ്തി നിമജ്ജിത രഞ്ജിത
തീരങ്ങളേ ..... താരണിക്കുന്നുകളേ
വിദ്രുമവിദ്യുല്ലതയാൽ ശോഭിത
ശ്യാമവലാഹകവലയിത തരളിത
ലാലസ മോഹന നർത്തന മാടും
ചിത്രമയൂഖങ്ങളേ ..... ചോലകളേ
(മണ്ണിനെ വിണ്ണാക്കും.......)
സസ്പൃഹ സാന്ത്വന ശാന്തി സമന്വിത -
മനഘ നിരഘ നിരഞ്ജന ജഞ്ജന
അനവധി നിരവധി പല വിധ കാഴ്ചകൾ
ഉണ്മകളേ ...... സ്നിഗ്ദ്ധ വെണ്മകളേ
(മണ്ണിനെ വിണ്ണാക്കും.......)
No comments:
Post a Comment